Գվարդիոլան հայտնել է, թե երբ կհեռանա «Մանչեսթեր Սիթի»-ից
09/10/2019 16:59
Նմանատիպ
ԵՐԵՎԱՆ, 9 ՀՈԿՏԵՄԲԵՐԻ, ԱՐՄԵՆՊՐԵՍ: Անգլիական «Մանչեսթեր Սիթի»-ի գլխավոր մարզիչ Պեպ Գվարդիոլան խոսել է այն մասին, թե երբ կհեռանա ակումբից:
«Մանչեսթեր Սիթի»-ի ղեկավարությունը գիտի, թե երբ ես կհեռանամ. այն ժամանակ, երբ թիմը չհասնի ցանկալի արդյունքի` դուրս մնա ծրագրից: Կանեմ ամեն ինչ, դրանից խուսափելու համար»,– «Արմենպրես»-ի հաղորդմամբ` Գվարդիոլայի խոսքերը փոխանցում է goal.com կայքը:
Իսպանացի մասնագետի խոսքով` ինքն անելու է առավելագույնը թիմն առաջ տանելու համար:
Անգլիայի ֆուտբոլի առաջնության 8 տուրերից հետո «Մանչեսթեր Սիթի»-ն երկրորդն է 16 միավորով: Առաջատարը 24 միավորով «Լիվերպուլ»-ն է: