USD
EUR
RUB

Ըմբշամարտում հաջողության հասնելու համար պետք է չկոտրվել. Սլավիկ Գալստյան

 

ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Ըմբշամարտը եղել և մնում է հայկական սպորտի հենակետային մարզաձևերից մեկը: Տարիների երկարամյա փորձ ունեցող մարզիկներին փոխարինող նոր սերունդը սկսել է իր խոսքն ասել միջազգային հարթակներում և նրանցից մեկը` հունահռոմեական ոճի ըմբիշ Սլավիկ Գալստյանն է (63 կգ): Ղազախստանի մայրաքաղաք Նուր- Սուլթանում կայացած աշխարհի առաջնությունում Գալստյանը դարձավ բրոնզե մեդալակիր: Գալստյանն «Արմենպրես»-ի հետ զրույցում պատմում է հաղթանակի, տպավորությունների և հետագա պլանների մասին:

-Սլավիկ, ե՞րբ և ինչպե՞ս եք սկսել հետաքրքրվել և մարզվել ըմբշամարտով:

-Սկսել եմ մարզվել 7 տարեկանից, հայրիկիս ընկերոջ տղան մարզվում էր, ինձ էլ առաջարկեցին և գնացի մարզումների: Սկզբնական շրջանում չէի ցանկանում մարզվել, բայց հետո եղբորս հետ սկսեցինք այցելել մարզումների: Հետո մարզաձևը սկսեց դուր գալ և մարզիչներն էլ ասում էին, որ ստացվում է ինձ մոտ: Այդպես սկսեցի ավելի լուրջ զբաղվել ըմբշամարտով: Ընտանիքից ոչ ոք չի զբաղվել ըմբշամարտով, եղբայրս էլ վնասվածքից հետո նույնպես չշարունակեց մարզումները:

-Աշխարհի այս առաջնությունն արդյունքի տեսանկյունից ուրիշ էր Ձեզ համար: Առանձնացրեք այն գոտեմարտը, որն առավել որոշիչ էր ըստ Ձեզ:

-Ես հասկանում էի, որ բոլոր գոտեմարտերն էլ որոշիչ են, որովհետև յուրաքանչյուր սայթաքում կարող էր ինձ դուրս մղել պայքարից, կարող էի և չանցնել մյուս փուլ: Իմ խմբում էր նաև գործող աշխարհի չեմպիոնը, որն ավելի էր բարդացնում ընթացքը: Ամեն գոտեմարտ ինձ համար շատ կարևոր է եղել:

-Ինչ կասե՞ք հայ ըմբիշների հետ գոտեմարտերի մասին, տարբերվո՞ւմ են մյուսներից:

-Ոչ, ինձ համար սովորականի պես են, քանի որ սպորտ է ու չեմ կարող առանձնացնել` ինչ երկրից է: Բնականաբար, հայ մարզիկների հետ կապի մեջ ենք, շփվում ենք, բայց երբ արդեն մրցագորգում ես լինում, պետք է միևնույն լինի, թե ով է դիմացդ կանգնած:

-Արդյո՞ք հաղթանակը պարտավորեցնում է:

-Միանշանակ, քանի որ դրանից հետո արդեն ավելի լուրջ են վերաբերվում քեզ, մտածում են, որ ավելի բարձր արդյունքներ կարող ես գրանցել:

-Ձեր քաշային կարգն օլիմպիական չէ, մտածո՞ւմ եք քաշային կարգի փոփոխության մասին:

-Դեռ ունենք մինչև 23 տարեկանների աշխարհի առաջնություն, նույն քաշային կարգում եմ մասնակցելու, բայց մտադրություն կա փոփոխելու քաշային կարգս, մարզիչների հետ դեռ կորոշենք` ինչպես անել:

-Դուք մրցագորգ եք դուրս գալիս դիմացինի թուլությունները հիշելո՞վ, թե սեփական ուժեղ կողմերին ապավինելով:

-Ավելի շատ իմ ուժերի վրա եմ հենվում: Մտածում եմ ինչպես անել, որ ես հաղթեմ, ոչ թե դիմացինս սխալ թույլ տա, իսկ ես կարողանամ դրանից օգտվել: Ճիշտ է այդպես էլ է լինում, բայց պետք է ուժերիդ հավատաս, ոչ թե դիմացինիդ սխալի շնորհիվ հաղթանակի հասնես:

 -Ունե՞ք սիրելի հնարք, որը հաճախակի եք կիրառում:

-Այո, ոչ բոլոր դեպքերում է ստացվում, բայց շատ դժվար պահերի, օգնում է հաղթանակի հասնել: Դա ինձ մոտ ավելի լավ է ստացվում:

-Սլավիկ, Դուք ըմբշամարտի համար ոչ ստանդարտ հասակ ունեք, օգնո՞ւմ է այն Ձեզ, թե հակառակը:

-Ես արդեն սովորել եմ իմ հասակի հետ կապված բարդություններին: Ինձ օգնում է, բայց նաև խանգարում է, երբ մրցակիցներս չափից ավելի ցածրահասակ են լինում:

-Ինչո՞վ եք զբաղվում ըմբշամարտից դուրս և արդյոք այլ մասնագիտություն ունեք:

-Ըմբշամարտից դուրս չէ, ամբողջովին ինձ նվիրել եմ ըմբշամարտին: Ես մտածում եմ, որ պետք է մի գործի մեջ խորանաս, որ արդյունքի հասնես: Հիմա նաև սովորում եմ, մտածում եմ, որ ուսումը կարևոր է:

-Ո՞րն է Ձեր հաջողության բանաձևը:

-Հաջողության բանաձևը չկոտրվելն է: Ճիշտ է, ես չեմ մտածում, որ կա մի այնպիսի մարզիկ, որի մոտ միշտ ամեն ինչ ստացվում է: Պետք է կարողանաս հաղթահարել պարտությունը և շարունակել պայքարը, հակառակ դեպում չի ստացվի: Չի լինում այնպես, որ դու միշտ հաղթողի դերում լինես:

-Կա՞ մի մարզիկ, որի անցած ուղին Ձեզ համար օրինակ է:

-Կան մարզիկներ, որոնց մրցելու ոճն ինձ դուր է գալիս: Իրանից Համիդ Սուրյանն է այդ օրինակը: Նա այլևս չի գոտեմարտում: Նաև ինձ շատ դուր է գալիս Ռոման Վլասովը:

-Եթե ոչ ըմբշամարտ, ապա՞:

-Ֆուտբոլ, ավելին ասեմ, եթե այլ երկրում ապրեի, միանշանակ ֆուտբոլով էի զբաղվելու: Սիրելի թիմս կատալոնական «Բարսելոնա»-ն է: Հետևում եմ նաև Հայաստանի հավաքականի խաղերին:

-Ի՞նչ պլաններ ունեք հետագայի համար:

-Առաջիկայում ունեմ մինչև 23 տարեկանների աշխարհի առաջնությունը, դրանից հետո կմասնակցեմ Հայաստանի առաջնությանը: Այդտեղ էլ մարզիչների հետ կորոշենք` որ քաշային կարգում եմ մասնակցելու: Ճիշտ է, ժամանակը քիչ է նոր քաշային կարգին հարմարվելու, և Տոկիոյի Օլիմպիական խաղերի ուղեգրի համար պայքարելու, բայց մտադրություն կա և կփորձենք:

Հարցազրույցը` Հասմիկ ՀԱԿՈԲՅԱՆԻ

Լրահոս
Արարատ-Արմենիայի հետ հետագա համագործակցության հարցը դեռ քննարկման փուլում է․ Վարդան Մինասյան Արարատ-Արմենիան երկրորդ տարին անընդմեջ նվաճեց չեմպիոնի կոչումը «Փյունիկ»-ը երկկողմ համաձայնությամբ խզել է Բերեզովսկու հետ պայմանագիրը Յուվենտուսը մոտ է «նոր Վարանի» հետ պայմանագիր կնքելուն Ռասել Վեսթբրուքը վարակվել է կորոնավիրուսով Մանչեսթեր Յունայթեդի մեկնարկային կազմը Սաութհեմփթոնի դեմ խաղում, ուղիղ եթեր Էդգար Բաբայանի հերթական գոլային փոխանցումը (տեսանյութ) Անհավատալի քամբեք, խենթագույն եզրափակիչ․ Նոան հաղթեց Արարատ-Արմենիային ու նվաճեց Հայաստանի գավաթը Հույն ունեմ Հենդերսոնը շուտ կմիանա մեզ. Կլոպ Sportitalia․ Ռոման համաձայնեցրել է Սմոլինգի տրանսֆերը ՄՅՈւ-ի հետ Բունդեսլիգա. մրցաշրջանի լավագույն գոլերը (տեսանյութ) Հայաստանի հավաքականը Երևանում ընկերական հանդիպում կանցկացնի Քուվեյթի ընտրանու հետ Մխիթարյանի գոլն ու նրա փոխանցումից հետո Վերետուի դիպուկ հարվածը հաղթանակ բերեցին Ռոմային Պարմայի դեմ խաղում (տեսանյութեր) Ռեալը վերջին 4 տարիներին գրեթե 250 մլն եվրո է աշխատել ակադեմիայի սաների վաճառքից Մխիթարյանը մեծ ֆուտբոլիստ է, պետք է սովորենք նրանից․ Վերետու Ջոկովիչ․ Չգիտեմ՝ կխաղամ US Open-ը, թե ոչ Լայպցիգը պատրաստ չէ 25 միլիոն եվրո վճարել Վերդերի հարձակվողի համար Իտալիայի հավաքականի ֆուտբոլիստը խնդրում է Չելսիին վաճառել իրեն Գվարդիոլա. Մենք կպարտվենք Ռեալին, եթե խաղանք այնպես, ինչպես Սաութհեմփթոնի դեմ Ըմբշամարտ. Ազատ ոճայինները փակ հավաք կանցկացնեն Ծաղկաձորում Ալաշկերտը հաղթեց Լոռիին ու ապահովեց տեղը եվրագավաթներում (տեսանյութ) Ալաշկերտ-Լոռի․ մեկնարկային կազմեր, ուղիղ եթեր Տոտենհեմը նվազագույն հաշվով հաղթեց Էվերտոնին Սևիլյան հաղթեց Էյբարին՝ ամրապնդվելով լավագույն քառյակում Ասել, որ Ռոնալդուն ամենատաղանդավորն է, ում հետ խաղացել եմ միևնույն թիմում, չեմ կարող․ Ֆերնանդեշ Լեգենդար Պիսարոն ավարտեց կարիերան Մոուրինյուն հինգերորդ մարզիչն է, ով 200 հաղթանակ է տարել ԱՊԼ-ում Ռեալի հայտացուցակը Աթլետիկի դեմ խաղում Armsport սկետչ․ Մեսսիի 700-րդ գոլը․ նոր ռեկորդը դեռ Բարսայի հաղթնակի գրավականը չէ Բարսելոնայի հայտացուցակը Վիլյառեալի հետ խաղի համար Մագնուս Կարլսենը՝ Chessable Masters առցանց մրցաշարի հաղթող Լիոնել Մեսսին կարող է շարունակել կարիերան «Մանչեսթեր Սիթիում» Շնորհակալ եմ Գվարդիոլային, ով ինձ ավելի լավը դարձրեց․ Սանե Ջեկոն կարող է տեղափոխվել Յուվենտուս Բարձրագույն խմբի ձևաչափ և լեգեոներների սահմանափակում. Արմեն Մելիքբեկյանը դիմել է ակումբների նախագահներին Ինտերը պատրաստ է Սանչեսին գնել ՄՅՈՒ-ից ՀՖՖ-ն դադարեցրեց Առաջին խմբի առաջնությունը. 58 անձ որակազրկվել է Սուլշեր․ Գրինվուդի համար սահմաններ չկան Վեսթ Արմենիան խզել է պայմանագրերը 5 ֆուտբոլիստի հետ Չեմպիոնների լիգայի 2020/21 մրցաշրջանի ժամանակացույցը
website by Sargssyan