Ռամոսը «Ոսկե գնդակ»-ի պարգևատրման իր ձևաչափն է առաջարկել

Ռամոսը «Ոսկե գնդակ»-ի պարգևատրման իր ձևաչափն է առաջարկել

ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Մադրիդի «Ռեալ»-ի պաշտպան Սերխիո Ռամոսն առաջարկում է փոխել «Ոսկե գնդակ»-ի քվեարկության ձևաչափը:

«Արմենպրես»-ի հաղորդմամբ` Ռամոսը հայտարարել է, որ կարելի է «Ոսկե գնդակ» հանձնել Մեսսիին և Ռոնալդուին և առանձին «Ոսկե գնդակ» նրան, ով արժանի է այդ տարում: Ըստ պաշտպանի՝ այդ դեպքում կշահի միայն ֆուտբոլը:

Օրեր առաջ Արգենտինայի ֆուտբոլի ազգային թիմի և կատալոնական «Բարսելոնա»-ի հարձակվող Լիոնել Մեսսին 6-րդ անգամ արժանացավ «Ոսկե գնդակ»-ին: Երկրորդ տեղում Նիդերլանդների ազգային թիմի և անգլիական «Լիվերպուլ»-ի պաշտպան Վիրջիլ վան Դայկն էր, իսկ եռյակի վերջում՝Պորտուգալիայի ընտրանու և Թուրինի «Յուվենտուս»-ի հարձակվող Ռոնալդուն:

Հետևեք մեզ նաև Telegram-ում