USD
EUR
RUB

Եթե կինը ցանկանում է կանացի լինել, ուրեմն կլինի․Նազիկ Ավդալյան

 

ԵՐԵՎԱՆ, 9 ՄԱՐՏԻ, ArmSport.amԾանրամարտի աշխարհի չեմպիոն, Եվրոպայի կրկնակի չեմպիոն Նազիկ Ավդալյանը սեփական օրինակով ցույց է տալիս, որ անկախ մասնագիտությունից, տարիքից ու ընտանեկան կարգավիճակից, կինը կարող է ու պետք է մշտապես լինի կանացի, գրավիչ, կայացած, ինչպես նաև ուժեղ՝ թե՛ հոգեպես, թե՛ ֆիզիկապես։

Կանանց միջազգային օրվա առթիվ ArmSport-ը զրուցել է նախկին մարզուհու հետ ու լսել նրա շնորհավորանքն ու մաղթանքն՝ ուղղված հայ կանանց․

«Շնորհավորում եմ մեր կանանց՝ այս գեղեցիկ տոնի առթիվ։ Մաղթում եմ նախևառաջ առողջություն, հաջողություն, միշտ ժպտան, սիրեն և սիրված լինեն։ Ամենակարևորը կցանկանամ խաղաղություն ու ներդաշնակություն մաղթել մեր կանանց»։

Նազիկ Ավդալյանը հայ կանանց խորհուրդ է տալիս ամենից առաջ հիշել, որ իրենք ևս կարևոր են․

«Հայ կանանց համար առաջնայինը միշտ էլ իրենց ընտանիքն է եղել, որն իհարկե շատ կարևոր է, բայց խորհուրդ կտամ չմոռանան, որ ընտանիքից բացի իրենք ունեն իրենք իրենց, սիրեն իրենց, գնահատեն և օրվա մեջ մի փոքր ժամանակ չխնայեն իրենց համար, թեկուզ մի քանի րոպե նվիրեն իրենց։

Կանայք պետք է զգան, որ իրենք էլ շատ կարևոր են, ու շատ կարևոր դեր են խաղում այս աշխարհում։ Ամենակարևորը իրենք են․ պետք է նախևառաջ իրենց լավ նայեն, որ կարողանան ընտանիքին էլ լավ նայել։ Պետք է գիտակցեն, որ եթե իրենք երջանիկ են, ուրեմն իրենց ընտանիքը ևս երջանիկ է»։

Նազիկ Ավդալյանը հայ այն մարզուհիներից է, ով կարծրատիպեր է կոտրել․ կռիվ է տվել բազմաթիվ կիլոգրամներ կշռող ծանրաձողերի հետ, բայց մշտապես պահպանել կանացիությունը։ Ասում է՝ ամեն ինչ ցանկությունից է կախված․

«Կարծում եմ՝ ծանր աշխատանք կատարելն ու կանացի լինելն առհասարակ կապ չունեն իրար հետ։ Կինը կարող է կնոջը վայել աշխատանք կատարել, բայց այնքան էլ կանացի չլինել։ Կարևոր է այն, թե կինն ինչ է ցանկանում։

Բնականաբար ընտրած մասնագիտությունն ու աշխատանքն իր ներդրումն ունենում են, բայց հիմնականում ամեն ինչ ցանկությունից է կախված։ Եթե կինը ցանկանում է կանացի լինել, ինչը պարտադիր է ու նախընտրելի, ուրեմն կլինի»,- ասում է Նազիկ Ավդալյանն, ով այժմ ֆիզկուլտուրա է դասավանդում Երևանի Մխիթար Հերացու անվան պետական բժշկական համալսարանում՝ միևնույն ժամանակ նաև սպորտային հոգեբանություն ուսանում մագիստրատուրայում․

«Ինչպե՞ս եմ հասցնում․ բնականաբար շատ դժվար է երեխայի հետ և՛ սովորել, և՛ աշխատել, և՛ իր դպրոցով զբաղվել, բայց յուրաքանչյուրն էլ անցնում է այդ ամենի միջով ու այնպես չէ, որ համատեղելն անհնար է»։

Նազիկ Ավդալյանը հետաքրքրված է նաև արվեստով․ վերջերս նա լուսանկարներ էր հրապարակել՝ ցույց տալով, թե ինչպես է նկարում․

«Ինձ շատ հարազատ, լավ ընկեր, տաղանդավոր նկարիչ Տիգրան Մատուլյանի արվեստանոցում»,- գրել էր Նազիկ Ավդալյանը: Ասում է՝ միշտ է սիրել նկարել, չնայած հաճախ չի հրապարակում սեփական աշխատանքները․

«Միշտ եմ սիրել նկարել։ Նկարելն ինձ հաճույք է պարգևում, այդ իսկ պատճառով երբեմն սիրողական մակարդակում իհարկե, նկարում եմ»։

Հիշեցնենք՝ Նազիկ Ավդալյանը սպորտային կարիերան ավարտել է 2018 թվականին։

Նա ծանրամարտի Հայաստանի 6-ակի չեմպիոն է: 2009 թվականի աշխարհի առաջնության ոսկե մեդալակիր: 2008 և 2016 թվականների Եվրոպայի առաջնության հաղթող: Աշխարհի առաջնությունների բազմակի մրցանակակիր: Մասնակցել է նաև Ռիոյի 2016 թվականի 31-րդ ամառային Օլիմպիական խաղերին՝ գրավելով 5-րդ տեղը։

Նարե ՀՈՎՀԱՆՆԻՍՅԱՆ

Լրահոս
Հավաքականի 3 ֆուտբոլիստ Whoscored-ի վարկածով` ԱL-ի C դիվիզիոնի 2-րդ խմբի` տուրի խորհրդանշական հավաքականում Altibox Norway Chess. Արոնյանը հաղթեց 9-րդ տուրում, Կարլսենը՝ մրցաշարի հաղթող Սոլոմոն Ուդոն նշեց նորամուտը Հայաստանի հավաքականում Ազարը չի խաղա Բարսելոնայի դեմ Դենիս Ջորկաեֆը կոչով դիմել է Էմանուել Մակրոնին (տեսանյութ) Հայտնի է Էստոնիա-Հայաստան խաղը սպասարկող մրցավարական անձնակազմը Ըմբշամարտ. Աշխարհի առաջնությունը կկայանա Բելգրադում Հայերի հզոր երթը. Մխիթարյանը՝ Լոս Անջելեսի բողոքի ցույցերի մասին Հայաստանի համար. Ալաշկերտի չեռնոգորացի դարպասապահի գրառումը՝ Ադրբեջանին հաղթելուց հետո Արցախում արիաբար զոհվել է Նաիրի բասկետբոլի թիմի սան Աշոտ Խաչատրյանը Բաչկով․ Ձեր կողքին ենք, զինվոր եղբայրներ Նշան Մունչյան․ Բոլորս պետք է համախմբված լինենք՝ որպես մի բռունցք, մի սիրտ, մի հավատ Հայաստանի հավաքականը ժամանեց Լեհաստան (լուսանկարներ) Մարզիկ Էրիկ Օհանյանը վիրավորվել է առաջնագծում Norway Chess. Արոնյանը պարտվեց 4-րդ տուրում Հովհաննես Բաչկովն այսօր կանցկացնի իր առաջին մենամարտը պրոֆեսիոնալ ռինգում Մալանգ Սարրը կարիերան կշարունակի Պորտուի կազմում ՈՒԵՖԱ-ն փոխել է Հայաստան-Վրաստան հանդիպման անցկացման վայրը Մխիթարյանը շնորհակալություն է հայտնել Ռոնդա Ռոուզիին Արցախին աջակցելու համար Ադրբեջանի ագրեսիայի հետևանքով զոհվել է բասկետբոլի պատանեկան հավաքականի նախկին անդամը Պաշտոնական. Հայաստան-Ալբանիա խաղը չեղարկվել է Ալեկո Էսկանդարյան. Թույլ մի տվեք ձեզ շեղվել այն փաստից, որ Թուրքիան/Ադրբեջանը անմեղ հայերի են սպանում Արցախում Ադամյանն ու Օզբիլիսը իրենց աջակցությունն են հայտնել հայ զինվորներին Մխիթարյանի մտքերն Արցախում են. Ռոման աջակցում է հայ ֆուտբոլիստին ու պատրաստ է հանգիստ տալ Բունդեսլիգա․Այնտրախտը արտագնա խաղում հաղթեց Հերտային. ՏԵՍԱՆՅՈՒԹ Զիդան. Մենք հրաշալի կազմ ունենք Լիգա 1․ Լիլը հաղթանակ տարավ և գլխավորեց մրցաշարային աղյուսակը Էդգար Բաբայանը խփել է հաղթական գնդակն ու հեռացվել խաղադաշտից ԵԼ․ Արարատ-Արմենիան դժվարին պայքարում հաղթեց Ցելյեին ու դուրս եկավ որակավորման փլեյ-օֆֆ (տեսանյութ) Սուարեսը հաջող բուժզննում անցավ ու պայմանագիր ստորագրեց Ֆարերյան թիմը ջախջախեց Թբիլիսիի Դինամոյին, Միլանն ու Տոտենհեմը շարունակում են պայքարը․ ԵԼ-ի 3-րդ որակավորման փուլի ամփոփում Բեյլը՝ Ռեալից հեռանալու մասին. Ոչ մի բանի համար չեմ զղջում Դրաքսլերը հրաժարվել է տեղափոխվել Լիդս Պյանիչ. Բավարիայից կրած 2-8 հաշվով պարտությունն ուղղակի պատահականություն էր Բավարիան լրացուցիչ ժամանակում հաղթեց Սևիլիային ու նվաճեց ՈՒԵՖԱ-ի սուպերգավաթը (տեսանյութ) Բարսելոնան վերջին փորձերը կանի Մարտինեսի տրանսֆերը գնելու համար ԵԼ․ Արարատ-Արմենիան դժվարին պայքարում հաղթեց Ցելյեին ու դուրս եկավ որակավորման փլեյ-օֆֆ (տեսանյութ) Սուարեսը «Բարսելոնայի» բազան լքել է արցունքոտ աչքերով Մոուրինյո․ Կարծում եմ՝ Զիդանը ուրախ է Բեյլի հեռանալու կապակցությամբ Ռեալը կարող է 100 միլիոն եվրո վճարել Մբապեի համար, եթե նա ՊՍԺ-ի հետ պայմանագիրը չերկարաձգի
website by Sargssyan