USD
EUR
RUB

Օլիմպիական չեմպիոնները ցմահ կստանան պատվովճարներ

 

ԵՐԵՎԱՆ, 19 ՄԱՐՏԻ, ArmSport.amՀայաստանի Օլիմպիական խաղերի չեմպիոններին այսուհետ կտրվեն պատվովճարներ՝ դադարեցնելով դեռևս 2015թ-ից սահմանված լրավճարները։ Նման որոշում է ընդունվել ՀՀ Կառավարության այսօրվա նիստի ընթացքում։

ՀՀ Կառավարության 2015 թ դեկտեմբերի 17-ի № 1486-Ն և օգոստոսի 13-ի № 925-Ն որոշումներում ԿԳՄՍՆ-ն փոփոխություններ կատարելով, փորձել է բարելավել մարզիկների սոցիալական վիճակը, ինչպես նաև խթանել սպորտի զարգացումը Հայաստանում։

Մինչև այս փոփոխությունների ընդունումը Օլիմպիական խաղերի չեմպիոնները ստացել են լրավճար միայն այն դեպքում, եթե աշխատել են Հանրապետության ֆիզիկական կուլտուրայի և սպորտի ոլորտի պետական հիմնարկների և Հայաստանի Հանրապետության պետական բյուջեից ֆինանսավորվող մարզական կազմակերպություններում: Այժմ մարզիկները պատվովճար կստանան անկախ աշխատանքի վայրից, հարկերի գանձում էլ չի լինի:

Մասնավորապես, Օլիմպիական խաղերի չեմպիոններին նախկին 100 հազար դրամի փոխարեն, այսուհետ պետությունը կվճարի ամսական 200 հազար դրամ պատվովճար: Հայաստանի անկախությունից ի վեր առաջին անգամ Օլիմպիական խաղերի 2-րդ և 3-րդ մրցանակակիր դարձած մարզիկների համար նույնպես սահմանվել են պատվովճարներ` համապատասխանաբար 140 հազար և 100 հազար դրամ:

Պատվովճարները վերաբերում են ինչպես Հայաստանի Հանրապետության, այնպես էլ նախկին Խորհրդային Միության հավաքական թիմերի կազմերում, Օլիմպիական խաղերի ծրագրում ընդգրկված մարզաձևերի, նավամոդելային սպորտի, շախմատի և սամբոյի աշխարհի առաջնություններում չեմպիոն դարձած մարզիկներին, եթե նրանք բնակվում են ՀՀ-ում և համարվում են ՀՀ քաղաքացի:

Բացի այդ, շախմատի համաշխարհային օլիմպիադայի չեմպիոնները, ինչպես նաև 2-րդ և 3-րդ տեղերի մրցանակակիրները, որոնք ևս նախկինում պատվովճար չեն ստացել, այսուհետ կվճարվեն` համապատասխանաբար 200 հազար, 140 հազար և 100 հազար դրամ:

Օլիմպիական խաղերի ծրագրով նախատեսված մարզաձևերից աշխարհի չեմպիոն դարձած մարզիկներին, նախկին 55 հազար դրամի փոխարեն, այսուհետ կտրվի 100 հազար դրամ: Նույն կարգավորմամբ նախատեսվում են պատվովճարներ ոչ օլիմպիական մարզաձևերից նավամոդելային սպորտի, շախմատի և սամբոյի աշխարհի առաջնություններում չեմպիոն դարձած մարզիկների համար` 100 հազարական դրամ: Ընդ որում, նշված պատվովճարները մարզիկները կստանան ցմահ:

Եվրոպական խաղերի, Համաշխարհային ուսանողական խաղերի չեմպիոնների և մրցանակակիրների համար պատվովճարները կվճարվեն չեմպիոն դառնալու հաջորդող տարվա հունվարի մեկից, մեկ տարի ժամկետով։

ՀՀ կառավարության որոշման ընդունմամբ առաջացող լրացուցիչ ծախսերն արդեն ընդգրկված են 2020 թ-ի պետական բյուջեում։

Լրահոս
Սիթին ԱՊԼ-ում մեկնարկեց հաղթանակով (տեսանյութ) Ռակիտիչը հայտարարել է միջազգային կարիերան ավարտելու մասին Շախմատ․ Մանուել Պետրոսյանը՝ Երևանի գավաթակիր Իտալական ակումբները հետաքրքրված են Արսենալի պաշտպանով Ալբիոլը կարող է բաց թողնել Բարսելոնայի դեմ հանդիպումը Հիանալի էր քեզ հետ նույն թիմում լինել. Սուարեսը՝ Վիդալի մասին Հեռացատկորդ Լևոն Աղասյանը Բալկանյան երկրների առաջնությունում չեմպիոն է դարձել. ՏԵՍԱՆՅՈՒԹ ԱՊԼ. Լեսթերի 2-րդ հաղթանակը (տեսանյութ) Լա լիգա․ Ռեալը նոր մրցաշրջանը սկսեց գոլազուրկ ոչ ոքիով Ռեալ Սոսիեդադի դեմ (տեսանյութ) Յուվենթուսը Պիռլոյի նորամուտի խաղում խոշոր հաշվով հաղթեց Սամպդորիային (տեսանյութեր) VBET ՀԳ․ Արարատը կրկնապատկեց հաշվի առավելությունը Սևանի դեմ խաղում. ՏԵՍԱՆՅՈՒԹ Էվերտոնը ջախջախեց Վեստ Բրոմվիչին․ Խամեսը իր առաջին գոլն է խփել ԱՊԼ-ում Ռոսսի Մարաշլյանը հրավիրվել է Ուրուգվայի հավաքական (լուսանկար) Ալեքսանդր Գրիգորյան. Այս հաղթանակը ճանապարհի միայն կեսն է (տեսանյութ) Լիոնն ու Նիմը բավարարվեցին ոչ-ոքիով ԱԱ-2022-ի ընտրական մրցաշարի ձևաչափը հնարավոր է փոփոխության ենթարկվի Ռոնալդուն ստացել է IFFHS-ի լավագույն ռմբարկուի մրցանակը Բավարիան «փոշիացրեց» Շալկեին, Սանեի նորամուտը շքեղ էր (տեսանյութ) VBET ՀԳ. Վեսթ Արմենիան կամային հաղթանակ տոնեց Գանձասար-Կապանի նկատմամբ (տեսանյութ) Լևոն Արոնյանը և Սերգեյ Մովսեսյանը մասնակցում են Բունդեսլիգային Պաշտոնական․ Կումբուլան՝ Ռոմայի ֆուտբոլիստ Ռոնալդուն խնդրել է երկրպագուներին մասնակցել 2020 թվականի Եվրոպայի լավագույն կղզու քվեարկությանը ԵԼ. Միլանն արտագնա հաղթանակ տարավ Հայ ըմբիշները բավականին լավ արդյունքներ են գրանցել Բելառուսում կայացած միջազգային մրցաշարում Արարատ-Արմենիան 2 գոլ է խփում վերջին րոպեներին ու խաղը տեղափոխում լրացուցիչ ժամանակ Բեյլի հեռանալուց հետո կա՛մ Ասենսիոն, կա՛մ Վինիսիուսը կվերցնեն 11 համարը ՖԻՖԱ-ի դասակարգման աղյուսակ․ Հայաստանը բարելավել է իր դիրքերը ՊՍԺ-ն վերջին րոպեին հաղթանակ կորզեց Մեցի հետ խաղում Բարսելոնան հաղթեց. Մեսսին՝ դուբլի հեղինակ Խաղալու ենք Հայաստանի համար և պետք է լավ հանդես գանք. Կամպանյա Ռոմայի կիսապաշտպանը կարող է տեղափոխվել ԱՊԼ Բարսելոնայի գլխավոր տրանսֆերային նպատակը չիրագործվեց Մանչեսթեր Յունայթեդը հետաքրքրված է Ատալանտայի հարձակվողով Եվրոպական 3-րդ խաղերի կազմկոմիտեի և ԵՕԿ-ի ղեկավարները հանդիպել են Յուվենտուսը և Բավարիան կարող են փոխանակվել ֆուտբոլիստներով Լևոն Արոնյանը Champions Showdown:CHESS 9LX մրցաշարում գրավել է 3-րդ հորիզոնականը Մանչեսթեր Սիթին 89 միլիոն եվրո է առաջարկել Աթլետիկոյի պաշտպանի համար Համլետ Մխիթարյանն այսօր կդառնար 58 տարեկան ԲԿՄԱ-ն հաղթեց Վեստ Արմենիային ՀՀ ԿԳՄՍ-ն հրապարակել է մարզիկների ցուցակը, որոնք կստանան ամսական պատվովճարներ
website by Sargssyan