Ռայթ․ Անրին ֆուտբոլի Ջորդանն էր

Ռայթ․ Անրին ֆուտբոլի Ջորդանն էր

ԵՐԵՎԱՆ, 15 ԱՊՐԻԼԻ, ArmSport.am«Արսենալի» նախկին հարձակվող Յան Ռայթը խոսել է թիմի նախկին խաղացող Թիերի Անրիի մասին։

«2001-2006 թվականներն ընկած ժամանակահատվածում Անրիի դեմ խաղալն անհնար էր։ Այդ ժամանակ նա ֆուտբոլի Մայքլ Ջորդանն էր։ Հաճելի էր նրա խաղին հետևելը»,-Ռայթի խոսքերն է փոխանցում BBC-ն։

«Արսենալի» կազմում Անրին հանդես է եկել 1999-2007 թվականներին։ 2012-ին ֆրանսիացին վարձակալական հիմունքներով վերադարձավ լոնդոնյան ակումբ, որտեղ 4 խաղ անցկացրեց։ «Զինագործների» հետ նա երկու անգամ դարձել է ԱՊԼ-ի չեմպիոն, ինչպես նաև 3 անգամ նվաճել Անգլիայի գավաթը, իսկ 2 անգամ՝ սուպերգավաթը։

Ներկայումս Անրին գլխավորում է կանադական «Մոնրեալ Իմպեկտը», որտեղ աշխատում է 2019-ից։

 

Հետևեք մեզ նաև Telegram-ում