Արարատը ընկերական խաղում ոչ-ոքի խաղաց Մասիսի հետ

ԵՐԵՎԱՆ, 6 ՄԱՅԻՍԻ, ArmSport.am: Հայկական ակումբները աստիճանաբար վերադառնում են խաղադաշտ և ընկերական հանդիպումներ են անցկացնում:

Այսօր՝ մայիսի 6-ին, Երևանի «Արարատը» մրցեց Առաջին խումբը ներկայացնող «Մասիսի» հետ:

Խաղն ավարտեվել է ոչ-ոքի ՝ 2:2 հաշվով: «Արարատի» կազմում գոլի հեղինակ դարձան՝ Զավեն Բադոյանը և Դավիթ Խուրցիձեն։

Հիշեցնենք, որ հաջորդ ընկերական հանդիպումը երևանյան ակումբը կանցկացնի «Գանձասար-Կապանի» հետ: Այն տեղի կունենա մայիսի 9-ին: