USD
EUR
RUB

ՀՖՖ-ն մշակել է պրոֆեսիոնալ ֆուտբոլի մրցումների անցկացման՝ կորոնավիրուսի կանխարգելման քայլերի ուղեցույց

 

ԵՐԵՎԱՆ, 21 ՄԱՅԻՍԻ, ArmSport.amՄայիսի 23-ին վերսկսվելու է Հայաստանի Բարձրագույն խմբի, իսկ մայիսի 30-ին՝ Առաջին խմբի առաջնությունը: Կորոնավիրուսի համաճարակի հետևանքով ստեղծված առողջապահական նոր իրավիճակից ելնելով՝ Հայաստանի Ֆուտբոլի ֆեդերացիան մշակել է ՀՖՖ հովանու ներքո անցկացվող պրոֆեսիոնալ ֆուտբոլի մրցումների անցկացման կորոնավիրուսի կանխարգելման քայլերի ուղեցույց։

ԱՌԱՋՆՈՒԹՅՈՒՆՆԵՐԻ ՎԵՐՍԿՍՈՒՄԸ ԵՎ ԱՆՁՆԱԿԱԶՄԻ ԹԵՍՏԱՎՈՐՈՒՄԸ

Թե՛ Բարձրագույն, թե՛ Առաջին խմբերի առաջնությունների վերսկսումից 2 օր առաջ ՀՖՖ-ն ակումբներին կտրամադրի կորոնավիրուսի հայտնաբերման թեստեր: Ակումբները պարտավոր են թեստավորել ակումբի ամբողջ անձնակազմին (ֆուտբոլիստներ, մարզիչներ, պաշտոնյաներ և այլն) և թեստերի պատասխաններն անմիջապես ուղարկել ՀՖՖ ՄԿԱ բաժնի էլեկտրոնային հասցեին ([email protected]):

ՖՈՒՏԲՈԼԻՍՏՆԵՐԻ ԵՎ ԹԻՄԵՐԻ ԱՄԲՈՂՋ ԱՆՁՆԱԿԱԶՄԻ ՎԱՐՎԵՑՈՂՈՒԹՅԱՆ ԿԱՐԳԸ ՏԱՆ ՊԱՅՄԱՆՆԵՐՈՒՄ

Կրճատել տնից դուրս գալը և հյուրերի ընդունումը: Խուսափել մարդկային կուտակումներից և հասարակական տրանսպորտից: Պահպանել անձնական հիգիենայի կանոնները /առանձին սպասք, խոզանակ, սրբիչ, սպիտակեղեն:

ԹԻՄԵՐԻ ՄԱՐԶՈՒՄՆԵՐԻ ԱՆՑԿԱՑՄԱՆ ԿԱՐԳԸ ԲԱԶԱՅՈՒՄ

Նվազեցնել հավաքները փակ տարածքներում: Ժողովների ժամանակ պահպանել 1-2 մետր սոցիալական հեռավորություն: Հազալիս և փռշտալիս պահպանել 1-2 մետր սոցիալական հեռավորություն և ունենալ թաշկինակ:

ՀՅՈՒՐԱՆՈՑՈՒՄ ՏԵՂԱԿԱՅՎԵԼՈՒ ՊԱՐԱԳԱՅՈՒՄ

Ցանկալի է, որպեսզի թիմը հյուրանոցում զբաղեցնի մեկ հարկ: Վերելակի կոճակները սեղմել արմունկով: Չայցելել լոբբի բար, չպատվիրել որևէ ծառայություն: Ֆուտբոլիստների և պաշտոնյաների՝ սենյակներում գտնվելու ժամանակահատվածում արգելվում է սենյակների մաքրումը հյուրանոցի աշխատակիցների կողմից:

ՄԻՆՉԵՎ ԽԱՂԻ ՄԵԿՆԱՐԿԸ

Մարզադաշտում կարող է ներկա գտնվել առավելագույնը 150 անձ (ոստիկանության և շտապ օգնության աշխատակիցների քանակը չի ներառվում վերոնշյալ թվաքանակի մեջ): Յուրաքանչյուր խաղի համար դաշտի տեր ակումբը պետք է ներդնի հավատարմագրման համակարգ և վերահսկի, որպեսզի յուրաքանչյուր անձ մարզադաշտի տարածք մուտք գործի միայն անհատական հավատարմագրի առկայության դեպքում և դա կրի խաղի ամբողջ ժամանակահատվածում: Մարզադաշտում գտնվող յուրաքանչյուր անձ պետք է կրի պաշտպանիչ դիմակ: Հնարավորության դեպքում թիմերի մուտքը մարզադաշտի տարածք կազմակերպել տարբեր մուտքերով: Յուրաքանչյուր խաղի համար դաշտի տեր ակումբը պարտավոր է կազմակերպել լրագրողների հավատարմագրում, որի արդյունքում կարող է հավատարմագրվել առավելագույնը 10 լրագրող՝ ըստ դաշտի տեր ակումբի հայեցողության: Ընդ որում, ներկա գտնվող բոլոր լրագրողները պարտադիր պետք է կրեն դիմակներ: Մուտքի մոտ ջերմաչափման կազմակերպում /հեռավար ջերմաչափով/: Մարմնի 37 և ավել աստիճանի ջերմության արձանագրման դեպքում տվյալ անձի մուտքը մարզադաշտ արգելվում է: Թիմերը պետք է ժամանեն մարզադաշտ տարբեր ժամերի: Թիմային ավտոբուսները խաղերին մեկնելուց առաջ պետք է ախտահանվեն: Նախախաղային խորհրդակցությունն անցկացվում է պաշտպանիչ դիմակներով՝ պահպանելով սույն ուղեցույցով նշված սոցիալական հեռավորությունը: Գնդակ մատակարարող երեխաների քանակը պետք է լինի 6-8: Նրանք խաղի ամբողջ ժամանակահատվածում պետք է կրեն պաշտպանիչ դիմակներ և ձեռնոցներ: Պատգարակ տեղափոխող անձնակազմը պետք է խաղի ամբողջ ժամանակահատվածում կրի պաշտպանիչ դիմակներ և ձեռնոցներ: Եթե ակումբի անձնակազմը մարզադաշտ է ժամանում միևնույն ավտոբուսով, ապա ավտոբուսի մեջ ներկա ողջ անձնակազմը պետք է կրի դիմակ: Ցանկալի է՝ դաշտի տեր ակումբի ֆուտբոլիստները և պաշտոնյաները ժամանեն մարզադաշտ անձնական մեքենաներով: Դաշտի տեր ակումբը նախավարժանքից առաջ, խաղից անմիջապես առաջ, ընդմիջմանը և խաղից անմիջապես հետո պետք է ապահովի խաղի գնդակների, ինչպես նաև խաղի գնդակի համար նախատեսված տակդիրի ախտահանումը: Ընդհանուր առմամբ դաշտի տեր ակումբը խաղից առաջ, ընթացքում և խաղից հետո պետք է ապահովի մարզադաշտի բոլոր այն տարածքների ախտահանումը, որտեղ առկա է ֆուտբոլիստների, պաշտոնյաների և ակումբների անձնակազմի տեղաշարժ և անցուդարձ՝ այդ թվում հիմնական տրիբունայի՝ պատվավոր հյուրերի համար նախատեսված հատվածը և լրագրողների նստատեղերը:

ՀԱՆԴԵՐՁԱՐԱՆՆԵՐԸ ԵՎ ՄԱՐԶԱԴԱՇՏԻ ՀԱՐԱԿԻՑ ՏԱՐԱԾՔԸ

Մարզադաշտի տարածքում գտնվող օգտագործվող հանդերձարանները և սենյակները խաղից առաջ անհրաժեշտ է ախտահանել: Դռները պետք է բաց լինեն, երբ խաղի պաշտոնյաները և ֆուտբոլիստները գտնվում են հանդերձարաններում և սենյակներում: Հանդերձարաններում ֆուտբոլիստները պետք է պահպանեն նվազագույնը 1 մետր սոցիալական հեռավորություն: Յուրաքանչյուր ֆուտբոլիստ պետք է ունենա անհատական տարաներ ջրի և հեղուկների համար: Թիմերի բուժանձնակազմերի ներկայացուցիչները պարտադիր պետք է կրեն դիմակներ:

ՆԱԽԱՎԱՐԺԱՆՔԸ ԵՎ ԽԱՂԻ ՄԵԿՆԱՐԿԸ

Հիմնական կազմի և պահեստային ֆուտբոլիստները նախավարժանքը կատարում են միմյանցից առանձին: Խաղադաշտ դուրս գալիս թիմերը չպետք է միաժամանակ գտնվեն թունելում: Խաղից առաջ թիմերը չեն շարվում դեմքով դեպի հիմնական տրիբունա: Պահեստայինների նստարանին գտնվող ֆուտբոլիստները և պաշտոնյաները պետք է նստեն միմյանցից նվազագույնը 1 մետր հեռավորության վրա և կրեն պաշտպանիչ դիմակ ամբողջ խաղի ժամանակահատվածում: Պահեստայինների նստարանի՝ համապատասխան երկարություն չունենալու պարագայում, թույլատրվում է աթոռները տեղակայել նստարանի շարունակությամբ կամ մարզադաշտի ենթակառուցվածքից կախված՝ հիմնական տրիբունայի առաջին շարքերում: Փոխարինված ֆուտբոլիստները հնարավորության դեպքում պահեստայինների նստարանին նստելու փոխարեն պետք է տեղափոխվեն մարզադաշտի տրիբունա՝ պահպանելով սույն ուղեցույցով նախանշված սոցիալական հեռավորությունը:

ԽԱՂԻ ԸՆԹԱՑՔՈՒՄ ՓՈԽԱՐԻՆՈՒՄՆԵՐԻ ԿԱՐԳԸ

Յուրաքանչյուր թիմի կթույլատրվի կատարել առավելագույնը 5 (հինգ) փոխարինում: Խաղի ընթացքի հաճախակի ընդհատումներից խուսափելու նպատակով յուրաքանչյուր թիմ խաղի ընթացքում կունենա միայն 3 հնարավորություն (դադար) փոխարինում կատարելու համար. փոխարինումները կարող են կատարվել նաև ընդմիջման ժամանակ, որը չի հաշվարկվի, որպես օգտագործված հնարավորություն: Եթե երկու թիմերն էլ փոխարինում կատարեն նույն պահին, դա կհաշվարկվի որպես յուրաքանչյուր թիմի 3 հնարավորություններից մեկը: Չօգտագործված փոխարինումները և փոխարինման հնարավորությունները կտեղափոխվեն ավելացված ժամանակ: Եթե մրցումների կարգը թույլատրում է խաղի լրացուցիչ ժամանակում հավելյալ փոխարինում, ապա թիմերից յուրաքանչյուրը կունենա փոխարինման մեկ հավելյալ հնարավորություն. Փոխարինումներ կարող են կատարվել նաև մինչև լրացուցիչ ժամանակի մեկնարկը և լրացուցիչ ժամանակի ընդմիջման ժամանակ:

ԽԱՂԻ ԱՄԲՈՂՋ ԺԱՄԱՆԱԿԱՀԱՏՎԱԾՈՒՄ ԱՐԳԵԼՎՈՒՄ ԵՆ

Ձեռքսեղմումները: Թիմային լուսանկարը: Գրկախառնությունները: Դրոշների և հուշանվերների փոխանակումը:

ԽԱՂԻՑ ՀԵՏՈ

Հետխաղյա մամուլի ասուլիսները և բրիֆինգները չեղարկվում են և անցկացվում են միայն հեռավար տարբերակով: Հետխաղյա ասուլիսների և բրիֆինգների առցանց կազմակերպման պատասխանատվությունը դրվում է դաշտի տեր ակումբի ԶԼՄ-ների հարցերով պատասխանատուների վրա:

ԸՆԴՀԱՆՈՒՐ ԴՐՈՒՅԹՆԵՐ

ՀՖՖ Պրոֆեսիոնալ մրցումների անցկացման 2019-20 մրցաշրջանի կանոնակարգի այն հոդվածները, որոնք նշված չեն սույն Ուղեցույցում, շարունակում են մնալ պարտադիր կատարման համար: ՀՀ Բարձրագույն և Առաջին խմբերի առաջնությունների, ինչպես նաև VBET Հայաստանի Գավաթի խաղարկության վերսկսումից հետո թիմերի կազմում կորոնավիրուսի դեպքերի հայտնաբերման դեպքում ՀՖՖ-ն կձեռնարկի բոլոր անհրաժեշտ միջոցառումները մրցաշրջանը պատշաճ կերպով ավարտին հասցնելու համար և ՀՀ Պարետատան հետ քննարկումների արդյունքում կկայացնի համապատասխան որոշումներ՝ ըստ իրավիճակի:

Լրահոս
Թենիսի աշխարհը ևս շնչում է Ռեգիլոնը բանակցում է Չելսիի հետ Պաշտոնական. Կասիլյասը ավարտեց կարիերան Ռամոսն արձագանքեց. Դու ընդմիշտ կմնաս որպես լեգենդ (լուսանկար) Մանչեսթեր Յունայթեդը ներկայացրել է տնային նոր մարզաշապիկը (լուսանկար) ՉԼ. Յուվենտուսի հայտացուցակը Լիոնի դեմ խաղի համար 8 ֆուտբոլիստ կարող է հեռանալ Չելսիից Բարսելոնան սահմանել է Ֆատիի հրաժարագինը Լիվերպուլի հարձակվողը մոտ է Աստոն Վիլա տեղափոխվելուն Անգլիական երկու ակումբներ հետաքրքրված են Բարսելոնայի հարձակվողի ծառայություններով ՀՖՖ-ն սկսում է հավատարմագրումը Հակոբ Տոնոյանի անվան Սուպերգավաթի հանդիպման համար Արսեն Վենգեր. Մանչեսթեր Սիթին և ՊՍԺ-ն կարող են հաղթել Չեմպիոնների լիգան Էդգար Մանուչարյանը հայտարարել է կարիերան ավարտելու մասին Ղազախստանի առաջնությունը կրկին հետաձգվել է Նորվիչի պաշտպանը՝ Բավարիայի դիտակետում Ըմբշամարտի հավաքականը սկսել է ուսումնամարզական հավաքը Ռոնալդուն իրացրած 11-մետրանոց տուգանային հարվածների քանակով առաջատարն է 21-րդ դարում Պաշտոնական. Արարատը պայմանագրեր է կնքել Քրսիտիան Խիմենեսի և Հրայր Մկոյանի հետ Չավի․ Բարսելոնան իմ գլխավոր նպատակն է, բայց պետք է հարգել Սետյենին Վիդիչ. Գվարդիոլան նոր շունչ տվեց Մեսսիին Հակոբ Տոնոյանի անվան Սուպերգավաթի հանդիպումը կանցկացվի առանց հանդիսականի ՀԲՖ նախագահի ընտրությունների ամբողջ գործընթացը բաց է. ՀԲՖ Հայտնի են Ալաշկերտի ամառային նախապատրաստական ծրագրերը Դորտմունդի Բորուսիան հրաժարվել է Սանչոյին 98 մլն եվրոյով վաճառել Մանչեսթեր Յունայթեդին Շիրակը միանգամից 3 նորեկ ունի Պաշտոնական. Լովրենը տեղափոխվեց Զենիթ Զենիթի ավագը մոտ է Էվերտոն տեղափոխվելուն Մխիթարյանն ազգային հավաքականի մարզաշապիկներ է նվիրել վիրավոր զինծառայողներին Հաջորդ մրցաշրջանից Շիրակը նոր քաղակականություն է ունենալու․ Մանոյան Պաշտոնական․ Դավիթ Մանոյանը տեղափոխվել է Արարատ Ռիվալդո. Լևանդովսկին վշտացած է Ոսկե Գնդակի չեղարկումից. նա կարող էր մրցել Մեսսիի ու Ռոնալդուի հետ Սարին ներկայացրել է Յուվենտուսի տրանսֆերային առաջնահերթությունները Ռեալը չի երկարաձգի Զիդանի որդու հետ պայմանագիրը Բեքհեմը՝ Խաբիբին․ Քո և ընտանիքիդ մասին եմ մտածում, ընկերս Շիրակի լեգենդար ավագը կգլխավորի Գյումրիի թիմը Շիրակը հաստատեց. Վարդան Բիչախչյանը կգլխավորի Արարատը Փյունիկն ընկերական խաղում հաղթեց ԲԿՄԱ-ին Պորտուգալիայի հավաքականի նախկին ֆուտբոլիստը լքեց Կրասնոդարը Արսենալը ներկայացրել է 2020/21 մրցաշրջանի տնային մարզաշապիկը Արթուր Գրիգորյանը տեղափոխվեց Փյունիկ
website by Sargssyan