Մեսսին կարող է 200 միլիոն եվրոյի դիմաց անգլիական ակումբ տեղափոխվել
27/08/2020 16:31
Նմանատիպ
ԵՐԵՎԱՆ, 27 ՕԳՈՍՏՈՍԻ, Panorama.am: «Բարսելոնայի» և Արգենտինայի 33-ամյա աստղ Լիոնել Մեսսին կարող է կարիերան շարունակել Անգլիայում։ sport.ru-ն նշում է, որ «Մանչեսթեր Սիթին» շատ հետաքրքրված է ֆուտբոլիստով։
«Մանչեսթեր Սիթիի» ղեկավարությունն արդեն պատրաստում է իր առաջարկը: Բրիտանացիները պատրաստ են արգենտինացու համար առաջարկել մոտ 200 միլիոն եվրո։
«Քաղաքացիների» գլխավոր մարզիչը Պեպ Գվարդիոլան է, որի ղեկավարությամբ Մեսսին նախկինում խաղում էր «Բարսելոնայում»:
Հիշեցնենք, որ նախօրեին հայտնի էր դարձել, որ Մեսսին պաշտոնական հայտ է ներկայացրել «Բարսելոնայի» հետ պայմանագիրը դադարեցնելու մասին:
Հետևեք մեզ նաև Telegram-ում