Մեսսիի հայրը հայտնել է, որ որդին կխաղա «Մանչեսթեր Սիթիի» կազմում

ԵՐԵՎԱՆ, 29 ՕԳՈՍՏՈՍԻ, Panorama.am: Թվում է, թե ավարտվում է Մեսսիի՝ Անգլիա տեղափոխվելու էտապը. արգենտինացին պայմանագիր կկնքի «Մանչեսթեր Սիթիի» հետ, փոխանցում է sport.ru-ն։

Դա հայտնի է դարձել այն բանից հետո, երբ Մեսսիի հայրը սկսել է բանակցություններ վարել «ՊՍԺ»-ի մարզական տնօրեն Լեոնարդոյի հետ: Զրույցի ընթացքում Խորխե Մեսսին կտրուկ ասել է, որ իր որդին մերժում է փարիզցիների առաջարկը, քանի որ նա արդեն որոշել էր կարիերան շարունակել Մանչեսթերի «քաղաքաբնակների» հետ:

Այսպիսով, Մեսսին և նրա ներկայացուցիչները ավարտել են բանակցությունների գործընթացը այլ թիմերի ներկայացուցիչների հետ:

Նշենք, որ «Transfermarkt.de» հայտնի պորտալը 33-ամյա Մեսսիի տրանսֆերը գնահատում է 112 միլիոն եվրո: