Փորձագետը կարծում է, որ Մեսսին կարիերան կավարտի «Բարսելոնա»-ում
07/09/2020 11:07
Նմանատիպ
ԵՐԵՎԱՆ, 7 ՍԵՊՏԵՄԲԵՐԻ, Panorama.am: Իսպանացի ֆուտբոլային փորձագետ Թերի Գիբսոնը ենթադրում է, որ հարձակվող Լիոնել Մեսսին կարիերան կավարտի «Բարսելոնա»-ում, փոխանցում է «Գազետա.ռու»-ն։
«Ոսկե գնդակի» վեցակի դափնեկիրը մտադիր էր ընթացիկ տրանսֆերային պատուհանում լքել կատալոնական ակումբը, բայց որոշել է մնալ թիմում, քանի որ ղեկավարությունը համաձայն չէ նրան բաց թողնել:
«Մեսսիի երեխաները դպրոց են հաճախում Բարսելոնայում, նա «Կատալոնիա»-ի ու «Բարսելոնա»-ի արքան է: Որքան էլ ծիծաղելի հնչի, պետք է նայել վիճակագրությանը, նրան ոչ մի այլ ակումբ մոտ չի գալիս», – ասել է Գիբսոնը։
Ավելի վաղ Մեսսին հայտարարել էր, որ կմնա կատալոնական ակումբում։
Հետևեք մեզ նաև Telegram-ում