Թքած ունեմ այդ ամենի վրա. Դե Բրույնեն ՝ Մեսսիի չկայացած տեղափոխության մասին
12/09/2020 15:45
Նմանատիպ
ԵՐԵՎԱՆ, 12 ՍԵՊՏԵՄԲԵՐԻ, Armsport.am: «Մանչեսթեր Սիթիի» բելգիացի կիսապաշտպան Կևին դե Բրույնեն կարծիք է հայտնել «Բարսելոնայի» առաջատար Լեո Մեսսիի չկայացած տեղափոխության մասին, հաղորդում է Daily Mail-ը:
«Իսկապես թքած ունեմ այդ պատմության վրա: Հստակ է, որ Լեոն ֆուտբոլի պատմության լավագույն ֆուտբոլիստներից մեկն է:
Իհարկե, նա կարող է ուժեղացնել մեր կազմը, բայց ինչու՞ մտածեմ մի բանի մասին, որը տեղի չի ունեցել:
Մենք բավական որակյալ կազմ ունենք և կարող ենք մեծ հաջողությունների հասնել:
Ֆուտբոլիստները գալիս և գնում են. սա է ֆուտբոլի օրենքը»,-ասել է դե Բրույնեն:
Հիշեցնենք, որ ԱՊԼ-ի նախորդ մրցաշրջանում բելգիացին դարձել է 13 գոլի ու 20 արդյունավետ փոխանցման հեղինակ։
Գոլային փոխանցումների քանակով, դե Բրույնեն ԱՊԼ-ի ռեկորդի հեղինակ է դարձել:
Հետևեք մեզ նաև Telegram-ում