Le Parisien․ ՈՒԵՖԱ-ն կարող է Բաքվին զրկել Եվրո-2020-ի խաղերը հյուրընկալելու իրավունքից

Le Parisien․ ՈՒԵՖԱ-ն կարող է Բաքվին զրկել Եվրո-2020-ի խաղերը հյուրընկալելու իրավունքից

ԵՐԵՎԱՆ, 3 ՆՈՅԵՄԲԵՐԻ, Armsport.amԵվրոպական ֆուտբոլային ասոցիացիաների միությունը (ՈՒԵՖԱ) կարող է Ադրբեջանի մայրաքաղաքին զրկել Եվրո-2020-ի խաղերը հյուրընկալելու իրավունքից՝ արցախյան հակամարտության պատճառով, հայտնում է РБК-ն՝ մեջբերելով Le Parisien-ին:

Նոյեմբերի 2-ին ֆրանսիական հրատարակությունը գրել է, որ Եվրոպայում COVID-19-ի դեպքերի աճի պատճառով ՈւԵՖԱ-ն մտածում է մրցաշարի ձևաչափը փոխելու մասին: Ի սկզբանե Եվրոպայի առաջնությունը պետք է անցկացվեր 12 երկրներում:

«Ադրբեջանը, որը Եվրոպայի առաջնության հյուրընկալող երկրներից էր, առաջիկա շաբաթների ընթացքում կարող է զրկվել մրցաշարը ընդունելու իրավունքից: Ներկայումս երկիրը Արցախում գտնվում է զինված հակամարտության մեջ Հայաստանի հետ», – գրել է Le Parisien-ը:

Հետևեք մեզ նաև Telegram-ում