Մեսսին որակազրկվել է երկու խաղով
19/01/2021 21:26
Նմանատիպ
ԵՐԵՎԱՆ, 19 ՀՈՒՆՎԱՐԻ, Armsport.am: Կատալոնական «Բարսելոնայի» ավագ Լիոնել Մեսսին որակազրկվել է երկու խաղով՝ Իսպանիայի Սուպերգավաթի եզրափակչում հեռացման համար, հայտնում է Marca- ն:
Արգենտինացին բաց կթողնի Իսպանիայի գավաթի խաղարկության 1/16 եզրափակիչը «Կորնելիի» հետ և Լա Լիգայի 20-րդ տուրի «Էլչեի» հետ հանդիպումը: Նրա վերադարձը տեղի կունենա հունվարի 31-ին «Աթլետիկի» դեմ խաղում:
Իսպանիայի Սուպերգավաթի եզրափակչի 121-րդ րոպեին Մեսսին հեռացվեց խաղադաշտից: Լեոն հանդիպման ընթացքում հարվածել էր «Աթլետիկի» ֆուտբոլիստ Ասյեր Վիլիալիբրին, իսկ մրցավարը նրան ցույց էր տվել ուղիղ կարմիր քարտ:
Իսպանիայի Սուպերգավաթի եզրափակչում «Բարսելոնան» պարտվեց 2:3 հաշվով ՝ թույլ տալով մրցակցին 90-րդ րոպեին հանդիպումը տեղափոխել լրացուցիչ ժամանակ:
Հետևեք մեզ նաև Telegram-ում