USD
EUR
RUB

Հենրիխ Մխիթարյանը երկար չխաղաց նախկին թիմի դեմ, նա վնասվածք ստացավ. տեսանյութ

 

Հայաստանի ֆուտբոլի ազգային հավաքականի ավագ Հենրիխ Մխիթարյանը իտալական «Ռոմայի» կազմում մասնակցեց ՈւԵՖԱ–ի Եվրոպայի լիգայի 1/8 եզրափակիչի առաջին խաղին։ «Ռոման» սեփական հարկի տակ՝ «Օլիմպիկո» մարզադաշտում, հյուրընկալեց ուկրաինական «Շախտյորին»։ Մխիթարյանի ներկայիս թիմը 3։0 հաշվով հաղթանակի հասավ մեր ֆուտբոլիստի նախկին թինի նկատմամբ։

«Ռոմայի» հարձակվող Էդին Ջեկոյի վնասվածքի պատճառով «Ռոմայի» գլխավոր մարզիչ Պաոլո Ֆոնսեկան «Շախտյորի» հետ հանդիպումից առաջ հայտարարել էր, որ հարձակվողի դիրքում կարող է խաղալ միայն Հենրիխ Մխիթարյանը։ Դրանով ավելացել էր հայ ֆուտբոլիստի աշխատանքի ծավալը։ Մխիթարյանը չէր էլ պատրաստվում գործել մաքուր հարձակվողի նման` սպասելով խաղընկերների փոխանցումներին։ Ինչպես միշտ, Հենրիխը անընդհատ շարժման մեջ էր ու տեղաշարժեր էր կատարում նաև առանց գնդակի։ Եղավ դրվագ, երբ հայ ֆուտբոլիստը կարող էր օգտագործել հանքափորների դարպասապահի սխալն ու դառնալ գոլի հեղինակ։ Բայց հարվածը շեղ ստացվեց։ Այդ դրվագից առաջ «Ռոմային» արդեն հաջողվել էր բացել խաղի հաշիվը Լորենցո Պելեգրինի դիպուկ հարվածի շնորհիվ։

«Ռոման», որը սեփական հարկի տակ ֆավորիտի կարգավիճակով էր գործում, խաղի ընթացքում կանգնեց նոր խնդիրների առաջ։ Նախ Լորենցո Մանչինին կարծես թե վնասվածք ստացավ, հետո էլ Մխիթարյանը։ Բայց եթե Մանչինին շարունակեց խաղը, Հենրիխը փոխարինվեց։ Ցավոք, հայ ֆուտբոլիստը չկարողացավ շարունակել իր գործողությունները խաղադաշտում մի խաղում, որում նրան հետևում էին ոչ միայն ներկայիս, այլ նաև նախկին թիմի երկրպագուները։ Առայժմ դժվար է ասել, թե ինչ է պատահել Մխիթարյանի հետ, և ինչքան ժամանակով է նա շարքից դուրս մնացել։ Բայց չմոռանանք, որ մարտի 25-ին, 28-ին և 31-ին Հայաստանի ազգային հավաքականը աշխարհի 2022 թվականի առաջնության ընտրական երեք հանդիպում ունի։ Իսկ հրաշալի մարզավիճակում գտնվող Մխիթարյանի ներկայությունը մեր հավաքականի կազմում մեր ընտրանուն պարզապես շատ է հարկավոր։

«Շախտյորի» նախկին ֆուտբոլիստներից ոմանք, ովքեր Մխիթարյանի հետ հանդես էին եկել Ուկրաինայի առաջնությունում խաղից առաջ գովեստի խոսքեր էին հնչեցնում հայ ֆուտբոլիստի հասցեին, իսկ Հենրիխի վնասվածքից հետո առողջություն էին ցանկանում իրենց նախկին թիմակցին։

Չնայած «Շախտյորի» ֆուտբոլիստները երկրորդ խաղակեսում ակտիվացան ու մի քանի վտանգավոր պահ ստեղծեցին, բայց «Ռոման» ոչ միայն կարողացավ անառիկ պահել սեփական դարպասը, այլ պատասխան խաղից առաջ բավականին ամուր պաշար ապահովեց այս դիմակայությունում Էլ Շարավիի ու Մանչինիի գոլերից հետո և հաղթեց 3։0 հաշվով։ Պատասխան խաղը թիմերի միջև կայանալու է մարտի 18-ին։

Մխիթարյանը «Շախտյորում» խաղացել է 2010-1013 թվականներին։

Լրահոս
Էլինա Դանիելյանը հաղթեց ադրբեջանցուն Հայտնի է՝ որքան կկազմի Մեսսիի աշխատավարձը ՊՍԺ-ում․ աղբյուր Պարի Սեն-Ժերմենի սեփականատիրոջ եղբայրը հայտարարել է Մեսսիի հետ բանակցությունների ավարտի մասին Տոկիո-2020․ Բաչկովը՝ Օլիմպիական խաղերի բրոնզե մեդալակիր Լիոնել Մեսսին լքում է Բարսելոնան Տոկիո-2020․ Մեդալային հաշվարկն այս պահի դրությամբ․ Հայաստանը 61-րդ տեղում է Տոկիո-2020․ Սիմոն Մարտիրոսյանը՝ արծաթե մեդալակիր Տոկիո-2020. Արթուր Ալեքսանյանը՝ արծաթե մեդալակիր Տոկիո-2020․ Չալյանը պարտվեց բրոնզե մեդալի համար գոտեմարտում Chessable Masters․ Արոնյանը դուրս եկավ քառորդ եզրափակիչ Օլիմպիական բրոնզի համար Կարապետ Չալյանը կգոտեմարտի ադրբեջանցու հետ Տոկիո-2020․ Կարեն Ասլանյանը հաղթեց աշխարհի ու Եվրոպայի չեմպիոնին Բաչկովը հիանալի հաղթանակ տարավ և դուրս եկավ կիսաեզրափակիչ։ Առնվազն բրոնզե մեդալն ապահովված է «Յուվենթուսը», «Բարսելոնան» և «Ռեալը» հերթական մեծ հայտարարությունն են արել Սուպերլիգայի վերաբերյալ Բաչկովի հաղթանակն ադրբեջանցու նկատմամբ` տեսանյութով Տոկիո-2020. հայ մարզիկների մրցակիցները օգոստոսի 1-ին Հենրիխ Մխիթարյան․ Երբեք չեմ խաղացել պարզապես հաճույքի համար, կարևոր են տիտղոսները Չինացի ծանրորդը դարձավ Օլիմպիական չեմպիոն՝ նոր համաշխարհային ռեկորդ սահմանելով Շախմատի ԱԳ․ Հայկ Մարտիրոսյանը դուրս մնաց պայքարից Տոկիո-2020. Բռնցքամարտիկ Արմեն Դարչինյանի առաջին մրցակիցն հայտնի է Տոկիո 2020․ Հայ մարզիկները սկսել են մեդալային պայքարը Տոկիո-2020․ Մեդալային հաշվարկն այս պահի դրությամբ Մխիթարյանը՝ Մոուրինյուի հետ հարաբերությունների մասին Հայ մարմնամարզիկի հրաշալի ելույթը Տոկիոյի Օլիմպիական խաղերում. ԼՈՒՍԱՆԿԱՐՆԵՐ «Ռեալը» պատրաստ է օգնել «Բարսելոնային» պահպանել Լեոնել Մեսսիին Հայկ Մարտիրոսյանը դուրս եկավ աշխարհի գավաթի 1/8 եզրափակիչ Հայկ Մարտիրոսյանը դուրս թողեց Շահրիյար Մամեդյարովին աշխարհի գավաթի խաղարկությունից Մարտիրոսյանը հաղթել է թուրք շախմատիստին, Սարգսյանը թայ–բրեյք կխաղա ադրբեջանցու հետ Լևոն Արոնյանն առողջական խնդիրներ ունի Մեսին 5 տարվա պայմանագիր կստորագրի «Բարսելոնա»-ի հետ Բարսելոնան և Աթլետիկոն մոտ են աստղային ֆուտբոլիստների փոխանակմանը Պաշտոնական․ Ռամոսը՝ ՊՍԺ-ի ֆուտբոլիստ Ինչպես է Ռոնալդուն ընտանիքի հետ վայելում ծովափնյա հանգիստը (լուսանկարներ) Էրիկ Առստամյանը նոկաուտով հաղթել է թուրք բռնցքամարտիկին. ՏԵՍԱՆՅՈՒԹ Արոնյանը հաղթեց աշխարհի չեմպիոնին և դուրս եկավ եզրափակիչ Instagram-ում մեկ հրապարակման համար Ռոնալդուն ստանում է 1.35 միլիոն եվրո «Բարսելոնայի» նախագահը խոսել է Մեսսիի հետ նոր պայմանագրի շուրջ բանակցությունների մասին Goldmoney Asian Rapid․ Արոնյանը կիսաեզրափակչում է «Ռոմայի» ֆուտբոլիստը հետաքրքրում է «Բարսային», «Ռեալին» և ՊՍԺ-ին Այսօր վերջին օրն է
Ամենաընթերցված
website by Sargssyan