Վարկանիշային մրցաշար․ Շահինյանը, Ղարիբյանն ու Օվասապյանը սկսեցին հաղթանակներով

Վարկանիշային մրցաշար․ Շահինյանը, Ղարիբյանն ու Օվասապյանը սկսեցին հաղթանակներով

Հունգարիայի մայրաքաղաք Բուդապեշտում ընթացող ըմբշամարտի եվրոպական գոտու վարկանիշային մրցաշարը շարունակվում է։ Այսօր պայքարի մեջ են մտել հունահռոմեական ոճի ըմբիշները։

60 կգ քաշային կարգում հայ ըմբիշ Գևորգ Ղարիբյանը 1/8-րդ եզրափակիչում 7-0 հաշվով հաղթել է Լեհաստանի ներկայացուցիչ Դավիդ Անդրժեյ Էրսետիչին ու դուրս եկել քառորդ եզրափակիչ։ Նրա հաջորդ մրցակիցը Մուրադ Մամադովն է Ադրբեջանից։

87 կգ քաշային կարգում Հայաստանի ներկայացուցիչ Արթուր Շահինյանը 1/8-րդ եզրափակիչում 6-2 հաշվով վստահ հաղթանակ է տարել խորվաթ Իվան Հակլեկի նկատմամբ ու դուրս եկել քառորդ եզրափակիչ, որտեղ նրա մրցակիցը Վրաստանի ներկայացուցիչ Լաշա Գոբաձեն է։

130 կգ քաշային կարգում Դավիդ Օվասապյանը ևս հաղթանակով է մեկնարկել։ Հայ ըմբիշը Ֆինլանդիայի ներկայացուցիչ Կոնստա Յոհանես Մաենպաեին հաղթել է 5-1 հաշվով ու դուրս եկել քառորդ եզրափակիչ։ Կիսաեզրափակիչի ուղեգրի համար Օվասապյանը գոտեմարտելու է հունգարացի Ադամ Վարգայի հետ։

Հետևեք մեզ նաև Telegram-ում