Ուեբբեր. Եթե մրցաշարերից ստացած դրական էներգիան գերազանցեր բացասականին, ես կմնայի

Ուեբբեր. Եթե մրցաշարերից ստացած դրական էներգիան գերազանցեր բացասականին, ես կմնայի

«Ռեդ Բուլլի» արշավորդ Մարկ Ուեբբերն իր կարիեայի վերջին արշավից առաջ խոստովանել է, որ կարիերան ավարտելու համար այնքան էլ չի տխրում, քանի որ մրցաշարերից ավելի շատ բացասական էներգիա է ստանում:

«Այժմ ես շատ բարդ փուլում եմ: Կարծում եմ` հնարավորություններս գնահատելիս պետք է չափազանց ուշադիր լինեմ: Կիրակի օրն իմ կյանքում առանձնահատուկ է լինելու, սակայն ես դեռ այն ընկալում եմ որպես հերթական մրցման օր:

Շատ եմ սպասում կիրակիին և դրա համար ունեմ մի քանի պատճառ: Նախ` ցանկանում եմ վերջին անգամ հաջող ելույթ ունենալ, իսկ հետո կանգ առնել և հայացք նետել անցյալին:

Ես չէի հեռանա, սակայն լինում են պահեր, որոնց հետ չես կարող համակերպվել: Եթե մրցաշարերից ստացած դրական էներգիան գերազանցեր բացասականին, ես կմնայի»,-ասել է Ուեբբերը:

Հետևեք մեզ նաև Telegram-ում