Ֆետտել. Հույս ունեմ, որ իմ նվաճումները կհարգեն

«Ռեդ Բուլլի» ավտոարշավորդ Սեբաստյան Ֆետտելը հայտարարել է, որ անցյալ մրցաշրջանում չի հասկացել, թե ինչու են երկրպագուները սուլում իրեն:

-Սկզբում բարդ էր հասկանալ, թե ինչ է կատարվում, սակայն աստիճանաբար ամեն ինչ պարզ դարձավ: Երբ հաղթանակներից հետո քեզ գովաբանում են, թվում է` հավիտյան այդպես լինելու: Սկզբում մարդկանց դուր են գալիս ձեր հաղթանակները, սակայն երբ դու սկսում ես հաճախ հաղթել, շրջապատի կարծիքը փոխվում է:

Մարդիկ ցանկանում են պոդիումին տեսնել նոր դեմքերի, նոր չեմպիոնների: Եթե դուք դա հասկանաք, ապա ամեն ինչ կարգին կլինի. դրա համար էլ մրցակիցներիս երկրպագուների կողմից ջերմ վերաբերմունք չեմ ակնկալում: Ես միայն հույս ունեմ, որ իմ նվաճումները կհարգեն,-ասել է Ֆետտելը «Welt am Sonntag»-ին տված հարցազրույցում: