Ալոնսո. Ակնհայտ է` չենք կարող գոհ լինել
12/05/2014 10:56
Նմանատիպ
Իսպանիայի գրան-պրիի ավարտից հետո «Ֆերրարիի» ավտոարշավորդ Ֆերնանդո Ալոնսոն նշել է, որ «Մերսեդեսի» և իր թիմի միջև տարբերությունն առաջվա պես նույնն է:
«Այսօր հասանք առավելագույնին, բայց հաշվի առնելով առաջատարներին զիջելն` ակնհայտ է, որ չենք կարող գոհ լինել: Ինչ-որ առումով նման իրավիճակ պետք է լիներ մրցաշրջանի առաջին` Մելբրունի մրցարշավի ժամանակ, քանի որ առանց անվտանգության մեքենայի ժամանման առաջատարին մենք կզիջեինք մեկ րոպե: Այսօր հենց այդպես զիջեցինք:
Դա ցավալի է, քանի որ մենք այնպիսի իրավիճակում ենք, ինչպիսին մրցաշրջանում մեկնարկում էինք: «Մերսեդեսն» առաջընթաց է գրանցում, մենք փորձում ենք առաջընթաց գրանցել. դրա համար էլ իրավիճակը չի փոխվում»,-Ալոնսոյի խոսքերը մեջբերում ենք «ESPN F1»-ից:
Հետևեք մեզ նաև Telegram-ում